Wane irin rangwame addini ya yi mana yayin alwala ko wankan ibada a lokacin sanyin hunturu?

Rangwamen da Addini ya yi mana yayin alwala ko wankan ibada a lokacin sanyin hunturu.

Da sunan Allah mai rahama mai jin ƙai.

Kamar dai yadda muka sani, yanzu lokacin sanyi ne muna cikinsa gadan-gadan. Wato shi sanyi yana da wasu darajoji da muhimman lokuta a cikinsa,saboda haka kada mu yi wasa da ibada a cikinsa, kuma kada mu aibanta zuwansa.

FALALAR LOKACIN SANYI:

“Annabi ﷺ ya ce shin ba na nuna muku Abin da Allah yake Kankare Zunubai da shi ba, kuma yake daukaka darajar bawa da shi, (sahabbai suka ce eh,) sai ya ce cika alwala a lokacin sanyi (lokacin da mutum yake kyamar taba ruwa) da yawan tattaki zuwa masallaci, da zaman jiran lokacin sallah, wannan shi ne ribaɗi wannan shine ribaɗi (dako / tsammani)”

(Muslim da Tirmiziy)

GARAƁASAR LOKACIN SANYI:

Manzon Allah ﷺ, Yace:

“Shin ba na nuna muku Abin da Allah yake Kankare Zunubai da shi ba, kuma yake kara muku lada, (sai sahabbai suka ce eh,) sai yace cika alwala a lokacin da jiki ba ya so, da yawan tattaki izuwa masallaci, wannan shi ne ribaɗi wannan shi ne ribaɗi”

(Muslim)

DARAJAR LOKACIN SANYI:

Umar Ɗan Kaɗɗabi ya ce:

Lokacin sanyi wata ganima ta masu bautar Allah, (ma’ana bayi za su yawaita yin azumi cikin sauƙi, da ƙiyamul-lali cikin dare.

(Al-Hilyatu Abu Nu’aim)

Amir Ɗan Ma’sud Yace:

Lokacin Sanyi wata ganima ce wacce ta zo a araha.

(Musnad Imamu Ahmad)

IBADA A LOKACIN SANYI:

Hasanul-Basariy Yace:

Lokacin sanyi zamini ne na mumini, yininsa ba shi da tsawo, sai ya yi azumi a cikinsa, darensa kuma dogo ne, sai yai ta yin ƙiyamul-lali (sallar dare)

Daga cikin rangwamen da Addini ya yi a lokacin hunturu, akwai Amfani da ruwan zafi wajen wanka da tsaftace

jiki. Domin ba jarumta ba ne

yin amfani da ruwa mai

tsananin sanyi lokacin

sanyi domin yana iya

janyo wa mutum rashin

lafiya. Addinin ya zo da kare

lafiya da ran mutum.

Allah ya ce:

[ ﻭﻻ ﺗﻠﻘﻮﺍ ﺑﺄﻳﺪﻳﻜﻢ ﺇﻟﻰ ﺍﻟﺘﻬﻠﻜﺔ]☆

Kuma ya ce:

[ ﻭﻻ ﺗﻘﺘﻠﻮﺍ ﺃﻧﻔﺴﻜﻢ ﺍﻥ ﺍﻟﻠﻪ ﻛﺎﻥ

ﺑﻜﻢ ﺭﺣﻴﻤﺎ]☆

Ya zo a hadisi ce wa wasu

sahabbai sun yi fatawa ga

wani d’an’uwansu da

janaba ta same shi alokacin

sanyi.

Kuma suna matafiya,

kuma ba shi da lafiya.

Da ya yi wanka da ruwan

sanyi sai ya mutu, da suka

dawo suka fada wa

Manzon Allah sallallahu

alaihi wa sallam sai ya ce:

(ﻗﺘﻠﻮﻩ ﻗﺘﻠﻬﻢ ﺍﻟﻠﻪ ﺃﻻ ﺳﺄﻟﻮﺍ

ﺣﻴﻦ ﺟﻬﻠﻮﺍ ﻓﺎﻧﻤﺎ ﺷﻔﺎﺀ ﺍﻟﻌﻲ

ﺍﻟﺴﺆﺍﻝ )

KYAUTATA ALWALA DA

CIKA TA, KOMAI TSANANIN

SANYI,

saboda hadisin da Muslim

ya rawaito.

ﻋﻦ ﺃﺑﻲ ﻫﺮﻳﺮﺓ ﺭﺿﻲ ﺍﻟﻠﻪ ﻋﻨﻪ

ﺃﻥ ﺭﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ

ﻭﺳﻠﻢ ﻗﺎﻝ” ﺃﻻ ﺃﺩﻟﻜﻢ ﻋﻠﻰ ﻣﺎ

ﻳﻤﺤﻮ ﺍﻟﻠﻪ ﺑﻪ ﺍﻟﺨﻄﺎﻳﺎ ﻭﻳﺮﻓﻊ ﺑﻪ

ﺍﻟﺪﺭﺟﺎﺕ: ﻗﺎﻟﻮﺍ: ﺑﻠﻰ ﻳﺎ ﺭﺳﻮﻝ

ﺍﻟﻠﻪ ﻗﺎﻝ: ﺇﺳﺒﺎﻍ ﺍﻟﻮﺿﻮﺀ ﻋﻠﻰ

ﺍﻟﻤﻜﺎﺭﻩ، ﻭﻛﺜﺮﺓ ﺍﻟﺨﻄﺎ ﺇﻟﻰ

ﺍﻟﻤﺴﺎﺟﺪ ﻭﺍﻧﺘﻈﺎﺭ ﺍﻟﺼﻼﺓ ﺑﻌﺪ

ﺍﻟﺼﻼﺓ، ﻓﺬﻟﻜﻢ ﺍﻟﺮﺑﺎﻁ ﻓﺬﻟﻜﻢ

ﺍﻟﺮﺑﺎﻁ ”

ﺭﻭﺍﻩ ﻣﺴﻠﻢ.

Manzon Allah sallallahu

alaihi wa sallam ya ce:

Shin ba zan fada muku

abin da Allah yake shafe

kurakurai da shi ba, kuma

yake daga darajoji da shi?

Suka ce eh ya manzon

Allah.

Sai yace:

CIKA ALWALA TARE DA

SAMUN ABABEN DA ZA SU

SA YIN HAKAN.

ﻗﺎﻝ ﺍﻟﻨﻮﻭﻱ ﻓﻲ ﺷﺮﺡ ﻣﺴﻠﻢ:

ﻭﺇﺳﺒﺎﻍ ﺍﻟﻮﺿﻮﺀ ﺇﺗﻤﺎﻣﻪ ،

ﻭﺍﻟﻤﻜﺎﺭﻩ ﺗﻜﻮﻥ ﺑﺸﺪﺓ ﺍﻟﺒﺮﺩ ﻭﺃﻟﻢ

ﺍﻟﺠﺴﻢ ﻭﻧﺤﻮ ﺫﻟﻚ. ﺍﻧﺘﻬﻰ .

KIYAYE SALLAR ASUBA

CIKIN JAM’I

hadisai da yawa sun zo suna

tsoratarwa kan Rashin

halartar Asuba da Isha a jam’i.

Har Manzon Allah ya ce

su ne suka fi nauyi ga

munafukai, ka yi kokari ya

kai bawan allah ka ceci

kanka daga fada wa gungun

muafukai da barin sallar

Asuba a lokacin sanyi domin

ba ka san sanda mutuwa

za ta zo maka ba.

Haka nan hadisai sun zo

suna bushara ga masu

kiyeye sallar Asuba a

lokacinta cikin jam’i,

malamai suka ce

wadannan hadisai sun

kunshi kusan busharori

goma ga masu kiyaye ta.

RAYA SUNNAR SHAFA

KAN HUFFI KO SAFA:

Lalle shafa kan huffi ko

safa ya halatta ga matafiyi

da wanda ke zaune a gida,

idan ya saka huffi ko safa

lokacin da ya yi alwala ya yi

niyyar shafa kansu, duk

lokacin da zai jaddada

alwala,

Kwana daya da yini ga

mazaunin gida,kwana

uku ga matafiyi.

Matukar mutum bai

kwabe su ba a cikin wannan

lokacin to lalle zai iya

shafa a kansu.

Wannan yana daga cikin

sassaucin shari’a da rage

damuwa, musamman

lokacin sanyi da ake

yawan saka huffi da safa,

cirewa da sawa akwai

damuwa ga mutum, sai Allah

ya dage wannan damuwar

da shafa kan huffi da safa,

ya kayyade lokaci na

hakan domin kiyaye tsafta,

wannan yana daga cikin

ababe masu kayatarwa a

addini.

TANADAR ABIN

DUMAMA RUWA GA MASU

AURE DA GWAGWARE:

saboda mai aure idan ya

sadu da iyali zai bukaci

ruwan zafi, idan ba shi da

abin dumamawa sallah da

alkairai da yawa za su iya

kubuce masa, musamman

da daddare.

Haka nan yawan mafarke-

mafarke yana faruwa ga

gwagware lokacin sanyi

musamman da dare, sai

hakan ya sa suna rasa

sallah a kan lokacin ta,

saboda ga sanyi babu abin

dumama ruwa, abin da ya

kamata shi ne mutum ya

samu abin da zai rika

taskance ruwan zafi da shi.

Domin yin amfani da shi

idan ya bukata.

WASU HUKUNCE-

HUKUNCE DA YA KEBANCI

LOKACIN SANYI:

1: Hada sallah biyu kamar

azahar da la’asar da isha

da asuba, saboda sanyi mai

tsanani tare da iska.

2: Yin sallar nafila kan

abun hawa dabbace ko

mota.

3: Yin addu’a lokacin da iska

ta taso,

{ ﺍﻟﻠﻬﻢ ﺇﻧﻲ ﺃﺳﺄﻟﻚ ﺧﻴﺮﻫﺎ ﻭﺧﻴﺮ

ﻣﺎ ﺃﺭﺳﻠﺖ ﺑﻪ، ﻭﺃﻋﻮﺫ ﺑﻚ ﻣﻦ

ﺷﺮﻫﺎ ﻭﺷﺮ ﻣﺎ ﺃﺭﺳﻠﺖ ﺑﻪ }.

Wannan kadan ne daga cikin irin rangwamen da Addini ya zo da shi a lokacin sanyin hunturu.